.............. اقتراحات ...................

مرحبا للكل

أكيد مشان ما حدا يفكر أنو الإقتراحات ما عم توصل ... نعمل هاد الموضوع ....

شباب بالنسبة لإقتراح الرفيق ( أمواج الأمل ) بخصوص عمل منتدى للسيارات فهو أكيد مو منطقي ... مشان هيك لح يكون طلبوا على شكل موضوع ضمن المنتدى الرياضي ...

أما اقتراح الرفيق (محمود الحموي ) بخصوص أغاني وطنية ... فهو فكرة سيئة جداً .... لأنو ... صرعة النت بسوريا بطيئة جداً وهاد الشي بيخلي تحميل الموقع بطيء ... ومشان هيك إذا بدنا نحط أغنية الموقع بيصير بدو شي نص ساعة ليفتح بس ...

اقتراح الرفيق ... مجد الشيخ بخصوص غرفة الدردشة ... بصراحة المنتدى فكرتو التواصل .. مو التعارف .. مشان هيك فكرة غرفة الدردشة صارت غلط خصوصاً بعد ما عملنا تجربة لهي الغرفة ... وما مشي الحال ...

اقتراح الرفيق نور سوريا ... مشان الشريط الإخباري ... للأسف نحنا كتير حاولنا مع الشركة أنو تعطينا رخصة للشريط الإخباري بس انرفض طلبنا ..

الرفيق إياس اقتراحو مهضوم كتير وإنشالله بكرا بتعمل منتدى خاص بالبكالوريا .. على قدك

الرفيق يامن تنفذ اقتراحو ... وتم حذف المواضيع القديمة ... وبتصور المنتدى أسرع من الأول .. وختصة بالتصميم الجديد يلي (لسا قيد الإنشاء يعني ما خلص)

الرفيق محمد مارديني تنفذ اقتراحو وصار في منتدى (شبيبة خارج الوطن ) بس الرفيق محمد ما عاد بين بعد ما تنفذ افتراحو ...

الرفيق إيهاب الحصري (أعقل مجنون) شكراً لفكرتك ... ورفيق الحل كتير بسيط إيميلي أنا والرفيق أنس موجود تحت كل مشاركة ...


وبالنهاية شكراًُ لكل واحد بيهموا أنو هاد المنتدى يتطور بإقتراحاتكن .....

مشكور رفيق منار

شكرا رفيق منار على متابعتك لاقتراحاتنا

بس يا رفيق مشي حال اقتراح البكالوريا بموضوع
بالترفيه والفرفشة

شكرا الك

طيب وين رحت بموضوع المليون رد

اتنسق

النالو يشيل الموضيع الأديمي مو يطير الأخضر و اليابس

صار قديم موضوعك

شكرا كتير منار للمتابعة
وموضوع السيارات كمااااان مشي حالو بالمنتدى الرياضي
وشكراً

رفيق يامن والرفيق إياس بتمنى تريحوا حالكن ... موضوع المليون رد تافه والمنتدى أقصى حد لردود المسموحة 999 (هيك ترخبص المنتدى ) إذا بتعرف شي مبرمج شاطر خليه يبرمجلنا المنتدى على كيفك