ليني حدّك يابحر
ياكتاب مسطرّ ياعمر
ياميّه مابتخلص من الميّه
ياميّة مابتنقص
حتى على شفاف الصخر
موجك الهربان من موجك
عم يحمل معو العتم الغميق
عم يكشف على صدر الرمل سرو العتيق
موج عم يمحي سطر
وموج عم يكتب سطر
وانا حدّك يابحر
حامل معي هموم المراكب
حامل معي شنتة قهر
يا بحر ضمني لصدرك يا بحر
خليني سرّك يابحر
خليني جرحك خليني ملحك
ملحك الدايب بجرحك
جمله من جمل الصبر
خبي موجاتك يابحر
خلي الرمل ضجران واقف مطرحوا
وخلي اسرارك بقلبك
وخلي العاشق السهران على شطك
بكفي تفضحوا
خلي الغميق ساكت بسرّي انا
ماتخلي موجك يحمل معو حزني انا
ما تخلي موجك يفرش معو جرحي انا
على رملك او يشلحو
وخليني حدك يابحر
دمعة حزينة
كلمة هربانة من زيف المدينة
خليك مينا حاضنة تعب السفينة
وانساني حدك يابحر
ياكتاب مسطر ياعمر
انساني حدّك عاشق وهربان
من حرب مجنونة مافيها ولا ساعة نصر