R.kATANA

موقع رابطة قطنا
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 المفتاح والباب

اذهب الى الأسفل 
كاتب الموضوعرسالة
خالد أبو مر
عضو فعال
عضو فعال
avatar

ذكر عدد الرسائل : 669
العمر : 27
تاريخ التسجيل : 31/05/2008

مُساهمةموضوع: المفتاح والباب   الجمعة يوليو 03, 2009 3:08 pm

المفتاح والباب



أَنَاْ مُفتاحْ مَزْنُوقْ في البابْ

عايز بعدِ كده تْقولْ إيه

عايز أقول أنا لسَّه شباب

وده ماله باللي قبليه



عايز أقول ان انا مزنوق

من قبل ما شب عن الطوق

أو طوقي بيشب معايا

وكإنه في سبق ويايا

باجري وراه وبيجري ورايا

باجري كأني باجري في حلم

أو على آلة جري ف جيم

باجري في مكاني ما بكبرش

زمني متمسمر جنبي

وكأنه زمني ذنبي

وسلاحفه راكبة أرانبي

ماستعجلش ولا اتأخرش

رغم الرهبة ورغم الشوق

أنا مفتاح في الباب مزنوق

انا مفتاح مزنوق في الباب



طيب طيب

عايز بعد كده تقول إيه



عايز ألفت نظر الناس

عن معنى المفتاح في الباب

وعن الزنقة والترباس

لو قلنا الباب يعني تاريخ

تبقى الزنقة دي مظاهرات

والمفاتيح تلبس طلاب



واذا غيرنا معنى الباب

وعملناه معرفة إلهية

يبقى المفتاح صفو النية

ويمكن ياخد صفة نبوية

والشك الزنقة المصيرية

والحيرة ف معنى الأبدية

نكتب عنها ألف كتاب

كلها متقسمة أبواب

مفاتيحها لأولي الألباب

ونهاتي ف خلافات فكرية

طايفة رضية وطايفة شقية

ترباسية ومفتاحية

بين المؤمن والنصاب



وإن غيرنا الصورة تماماً

وجعلنا للباب قضبان

تبقى الزنقة بني الإنسان

والمفتاح شعر وأغنية

بيمنونا بالحرية

كذبة لكن مش مؤذية

واش دراك يمكن مش كذبة

وتطلع صدق المرة الجاية



وإذا قلنا القضبان رمزية

وحطينا وراها البشرية

وعومنا السجن على المية

تبقى الحسبة غير الحسبة

القضبان قضبان في سفينة

بتنجي الكون م الفيضان

موزونة يا سفينة نوح

موزونة بين ضحك ونوح

وانا شيخ طائفة المجانين

مش لادة علينا الموازين

هربانين م المية لكين

للمية احنا مشتاقين

بنحاول نفتح في الباب

وان غرقت مش فارقة معانا

دنيا نجاتها في طوف أخشاب

تبقى دنيا مش نافعانا

يا مولانا يا منجينا

ومعبينا في قلب سفينا

ما تعلمنا نعوم يا أخينا

كله يعوم مطرح ما هو عايز

نهرب م الواقع للجايز

كل زوجين مفتاح للدنيا

إمكانية لدنيا تانية

فيها الخاسر فيها الفايز

مفاتيح فكت من سلاسلها

وبتخلق أبواب منازلها

عومها يا سيدنا وادعيلها

يفتحها علينا الفتاح

وانا في الباب مزنوق مفتاح

وانا مفتاح مزنوق في الباب



طيب ما تنورنا كمان

عن زنقة ومفاتيح وبيبان

خلينا أكثر واقعية

خلي قصيدتك قمع عظيم

تنزل م الواسع للضيق

بدل البشرية ابقى تميم

قاعد ع القهوة بيتريق

قول للقارئ إنك باعته

عامل فيه مقلب يا لئيم

بتعلمه فن التنجيم

والمحروس لو مشي يتزحلق

انزل من سقف التعميم

لساعاتي بيبص ف ساعته

غاليه عليه الساعة بتاعته

في معزة ولده وجماعته

ساعة الحشر لابسها في إيده

ساعة الحشر لكن بتزيق

عايزة لها شوية تشحيم



برضك ما نتاش عارف تثبت

في مكانك من غير مجازات

إدي مجازاتك أجازات

خلي ساعاتك بس ساعات

وابوابك أبواب عمارات

والنسوان مش رمز لحاجة

مخلوقات من جلي رجراجة

اللبناني اظرف م المصري

أصله بيمشي صريح متعري

زيه زي المعنى الشعري

مش كاسياه الإستعارات

انزل للجزئي من الكلي

بدل الدنيا اوصف في الجيزة

بدل العجز أوصف في عجيزة

افتح عينك بس وقللي

شايف إيه ف بلدك يا خواجة

واللي هايتفذلك كداب



أنا مفتاح مزنوق في الباب

مش عارف أخرج ولا أخش

قاعد أبص على الأحباب

والصبح بيطلع في البيت

اللي بياكل فول بالزيت

واللي لسه هتاخد دش

واللي بيقرا في الفنجان

واللي بيشرب في الجرنان

واللي بينفخ نفخ بذمة

قاري كتب تبدو له مهمة

مضمونها انه عنده مهمة

يفضل ينفخ حتى القمة

لاجل يوسع أفق الأمة

زي البلالين الألوان



يمكن أفق الأمة يفرقع

ويدوب جوة الأفق الأوسع

والدهر الماشي على أربع

يتكلم عربي بإتقان



واللي بيتوضا ويصلي

بيدور في الأصل الأصلي

على عرق الدهب المتجلي

في الأربيسك وفي القرآن

فيلاقي سيراميك كيلوباترا

يزعم إنه هنا من فترة

ويقول له اتكلم فرعوني

بس لاتيني أو سكسوني

فيناديه الشيخ بسيوني

والشيخ فتح الباب التوني

وطنك ده فشر نابليوني

فرعونك ما نتاش محتاجه

في فرنسا متعاد إنتاجه

بالبشكير على وسطه وتاجه

شاحنينه بكتالوج وضمان

وإيديه خلف خلاف على صدره

بعلامة أستفهام ومنشة

كل عواطف أمه وفكره

يبني عرش دهب على عشة

والعشة حيطانها خرزان



فيه فرعون جنبه كركوب

إسمه السيد رفعت بيه

طالعة مراته بالمركوب

تجريه وراه مش عارف ليه

ده بقى يا سيدي فرعون بلدي

مش واخد كارت نابليون

ده فرعون متبهدل أبدي

ما لهوش غير إسم الفرعون

عرشه على القهوة مكفيه

أعدل بني آدم في الكون

لو كنت إله كنت اتبناه

وما كنتش أتبنى سواه

لا هايديني مال ولاجاه

بس كفاية النكتة عليه



طيب غيرهم شايف إيه

شايف شرطي قبض على روحه

وحرامي بيسرق من نفسه

دولة رافعة علم على ميضا

بتلاتِّ ألوان كلها بيضا

ثم الميضا مالهاش جامع

واللي بيتكلم بيتهته

واللي بيسمع له مش سامع

وما فيش واحد جاي يتوضا

كله جي يبل شراب

يمسح بالمية اللكعاب

كله عايز يبقى خراب

واللي مش عايز، بالعافية

كلب تاريخ عض الجغرافيا

عملوا بلد في حدود العضة

وبقىلها حكومة ومعارضة

وعملات ورقية ومن فضة

وبلدنا مظاهرة منفضة

وصلاة جمعة ما هياش جامعة

وإمامنا مش حسن السمعة

أهي جمعة يا عم وتتقضى

ونصلي ونقيد الشمعة

مش أملاً والا رومانسية

لكن عادة ومش ها تضر

مستحلينا الزمن المر

ويعدي أدان بعد أدان

ثم يمر شريط متسارع

تتسابق فيه الأزمان

تدبل فيه الشقة تماماً

والناس تتحول أشباح

وتغطي العفش البياضات

ويغطي بياضاتها تراب

وانا مفتاح مزنوق في الباب





نكد البشرية وأزمتها

مطرة نازلة بعزم ما فيها

وانا وحدي واقف تحتيها

عامل شعري قمع عظيم

رافعه فوقي كما الشمسية

طبعاً مش بيحوش المية

بيركزها بس عليا

فأشيل انا هم البشرية

وأترجمه في هموم تفاصيلي

في زعل البنت وضحكتها

في حر الدولة وزحمتها

مصر مجاز عن كرشة نفسي

وعن كرشة نفس الإنسان

تلاوتها وترتيلها الكنسي

ووساختها والدبان

لازم أسيبها عشان أغلبها

واكتب شعري بدون ما اكتبها

أهرب منها وأهربها

مصر مجاز عن كرشة نفسي

لما أوصف حال الدنيا

تشبيهاتي بتبقى طابور

تيجي مصر بكتف جلنف

ترمي كلامي هنا وهناك

وتقف في الأول بالعنف

مش هتخلي لي ولا حرف

كده مصر بستعمر لغتي

لازم أطردها من الصف



أخرج م الجزئي للكلي

مصر مجاز عن كرشة نفسي

هاختم بيها آخر مرة

عشان اخرج م الجرة لبرة

ميت مرة تسلمي يا جرة

وانا ما سلمتش منك يوم

مصر يا قمع يا تحت المطرة

إزاي تحشي القمع غيوم

أنا مزنوق في الباب من فترة

مش مسموع تخبيطي وجرسي

مزنوق في تشبيهي مالمصري

مصر مجاز عن أزمة شعري

مصر مجاز عن كرشة نفسي

مصر مجاز عن خنقة جيلي

محتلة خيالي وتحليلي

وعايصة أفق الأمة هباب

وانا مفتاح مزنوق في الباب



يا مصر المرة دي بجد

ومانيش هاترازل على حد

ولا اقول لما اطلع رجعني

أنا هنا هو لازمتي إيه يعني

مش عارف اساعد أخواتي

ولا همه قدروا يساعدوني

حتى شعري شعر ذواتي

أبياته بالفصحى يجوني

يعني أنا بغير أبياتي

وباحضر منظر رحلاتي

ومكانتي في الزمن الأتي

وضعي هنا وضع أبو الطيب

هو شتم لكن أنا طيب

قاعد ولا قوة ولا حولة

ومحاولة تودي لمحاولة

تاني اطردني يا أمن الدولة

إنت كسبت يا عم الجولة

إنت القفل تملي معاك

خلينا لك مصر هدية

بس ابقى ادعي ربي يعينك

مصر يا بيه ها تطلع عينك

أما الطرد فهايحررنا

وينضف منك أفكارنا

وانت انشا الله ها تعرف بكرة

إنه شرط الفتح الهجرة

وأنه مصر برغم كالونك

يا قفل الدولة وقانونك

مبنية بمليون شباك

ياللي سانن ضفر وناب

عرقك زي الزيت المغلي

خاف لا يجيلك هارت أتاك

في خيال الشعرا وفي لاظوغلي

يا متحصن في الأبواب

إسمع كلمة وفصل خطاب

من مفتاح مزنوق في الباب



إنت أقوى منا صحيح

وعملنا هايروح في الريح

بس الريح يا ابو مخ صفيح

راح تغزيك من غير مفاتيح

تميم البرغوتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE HOPE SURF
عضو فضي
عضو فضي
avatar

ذكر عدد الرسائل : 3664
العمر : 28
الموقع : www.mercedes4arab.com
تاريخ التسجيل : 24/04/2009

مُساهمةموضوع: رد: المفتاح والباب   الأحد يوليو 05, 2009 4:57 am

طيب شو رايك انا المفتاح وانت الباب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.rkatana.ahlamontada.com
خالد أبو مر
عضو فعال
عضو فعال
avatar

ذكر عدد الرسائل : 669
العمر : 27
تاريخ التسجيل : 31/05/2008

مُساهمةموضوع: رد: المفتاح والباب   الأحد يوليو 05, 2009 6:15 am

شووووو؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE HOPE SURF
عضو فضي
عضو فضي
avatar

ذكر عدد الرسائل : 3664
العمر : 28
الموقع : www.mercedes4arab.com
تاريخ التسجيل : 24/04/2009

مُساهمةموضوع: رد: المفتاح والباب   الأحد يوليو 05, 2009 6:36 am

ههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.rkatana.ahlamontada.com
خالد أبو مر
عضو فعال
عضو فعال
avatar

ذكر عدد الرسائل : 669
العمر : 27
تاريخ التسجيل : 31/05/2008

مُساهمةموضوع: رد: المفتاح والباب   الأحد يوليو 05, 2009 7:25 am

ليش عمتضحك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE HOPE SURF
عضو فضي
عضو فضي
avatar

ذكر عدد الرسائل : 3664
العمر : 28
الموقع : www.mercedes4arab.com
تاريخ التسجيل : 24/04/2009

مُساهمةموضوع: رد: المفتاح والباب   الإثنين يوليو 06, 2009 12:36 am

هييك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.rkatana.ahlamontada.com
خالد أبو مر
عضو فعال
عضو فعال
avatar

ذكر عدد الرسائل : 669
العمر : 27
تاريخ التسجيل : 31/05/2008

مُساهمةموضوع: رد: المفتاح والباب   الإثنين يوليو 06, 2009 5:06 am

مراق يعني؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE HOPE SURF
عضو فضي
عضو فضي
avatar

ذكر عدد الرسائل : 3664
العمر : 28
الموقع : www.mercedes4arab.com
تاريخ التسجيل : 24/04/2009

مُساهمةموضوع: رد: المفتاح والباب   الإثنين يوليو 06, 2009 8:29 am

اي نعم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.rkatana.ahlamontada.com
خالد أبو مر
عضو فعال
عضو فعال
avatar

ذكر عدد الرسائل : 669
العمر : 27
تاريخ التسجيل : 31/05/2008

مُساهمةموضوع: رد: المفتاح والباب   الثلاثاء يوليو 07, 2009 12:23 pm

اذا هيك عادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
THE HOPE SURF
عضو فضي
عضو فضي
avatar

ذكر عدد الرسائل : 3664
العمر : 28
الموقع : www.mercedes4arab.com
تاريخ التسجيل : 24/04/2009

مُساهمةموضوع: رد: المفتاح والباب   الأربعاء يوليو 08, 2009 1:23 am

ايوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.rkatana.ahlamontada.com
يارا
عضو جديد
عضو جديد
avatar

انثى عدد الرسائل : 7
العمر : 24
تاريخ التسجيل : 17/10/2009

مُساهمةموضوع: رد: المفتاح والباب   السبت نوفمبر 14, 2009 3:06 am

بلا كم شهر بدي لأخلص قراءة هالجريدة والله طويلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.hi5.com
يامن
عضو فضي
عضو فضي
avatar

ذكر عدد الرسائل : 2268
العمر : 25
الموقع : في قلب حبيبتي
تاريخ التسجيل : 14/11/2008

مُساهمةموضوع: رد: المفتاح والباب   السبت نوفمبر 14, 2009 5:46 am

شوفي وراكي قري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
باسل
عضو نشيط
عضو نشيط
avatar

ذكر عدد الرسائل : 305
العمر : 23
الموقع : بعد شوي بقول
تاريخ التسجيل : 22/04/2009

مُساهمةموضوع: رد: المفتاح والباب   الخميس نوفمبر 26, 2009 1:04 am

مشكووووور أبو مر



و الله معك حق يارا بدا سنة , إي شوبنا يامن جاملنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
باسل
عضو نشيط
عضو نشيط
avatar

ذكر عدد الرسائل : 305
العمر : 23
الموقع : بعد شوي بقول
تاريخ التسجيل : 22/04/2009

مُساهمةموضوع: رد: المفتاح والباب   الخميس نوفمبر 26, 2009 1:08 am

مشكوووووور أبو مر






بس يارا معا حق طويلة بدا سنة , جاملنا يمون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المفتاح والباب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
R.kATANA :: لوحة المنتديات :: الخواطر الشبابيه-
انتقل الى: