أشهر أكاذيب الشباب عالبنات
1_حبيبتي بتعرفي والله ما عندي حركات الشباب .......أصلا ما بحكي مع بنات ليكون عندي هيك حركات
"باين وأنت كل بنات العالم بيعرفوك"
2_مابعرف حاسس أني بعرفك من زمان
"لا يمكن مخربط بينها وبين وحدة بيعرفها من زمان"
3_حبيبتي بحس أنك غير كل هالبنات يعني بحس أنك وحدة مختلفة
"ليش فوق راسها ريشة ولا من كوكب تاني"
4_حبيبتي والله بحس أنو في كتير شغلات منتشابه فيها أنا وياكي كاننا شخص واحد
"سبحان الله أخوها بالاسلام لازم يكون فيه شبه"
5_ياريت يا قلبي عرفتك من زمان
"معليش كان عندك زحمة"
6_حبيبتي أنت بتأمري لو بتطلبي قلبي بعطيك ياه
"أيه أكيد بالأحلام"
7_حياتي بدي ياكي تتستري لأنو مابدي حدا يشوفك غيري لأنب بغار
"ياحرام الغيرة حرقت قلبك حرق"
8_بدي أجي أخطبك من أهلك بس بعد ما كون نفسي
"أي مصاريك كلها عالموبايل والسيارة والعزايم والللللللل...الخ"
9_يا قلبي بدي شوفك بأقرب وقت با بقدر عالشوق يلي دبحني
"بدو يورجي رفقاتو أنو رجال وقادر"
10_أنا بحب الشعر ومن هواياتي الرسم والسباحة
"لا رومانسي الحبيب"
11_حبيبتي حطي ببالك أنا إذا حبيت بحب من كل قلبي
"بس عفواً أي قلب فيهن"
12_لملا بشوف رقمك على موبايلي قلبي بفز من مكانو
"أكيد خايف تكون كشفت ألاعيبك"
13_حبيبتي بدي صورتك خليها عندي مشان قبل ما نام شوفها وحطها تحت راسي
"لا وأنت الصادق مشان لما تمل منها تهددها بالصورة"
14_أسف حبيبتي امبارح ما اتصلت فيك بس كنت مشغول كتير بالدراسة
"باين يا نيوتن"
15_بتعرفي حبيبتي أنا دائماً البنات بيلحقوني بالمول بس أنا ما بعطيهم وجه لأنو أنت حبي الوحيد
"أي صدقتك كتييييييير...."
16_امبارح ما نمت لأني عم فكر فيك أخدة عقلي حبيبتي
"لا قصدك نمت وحلمت وشبعت وما فكرت فيها أصلاً"
17_أنت أحلى وحدة شفتها بحياتي وما بظن لاقي وحدة أحلى منك
"ليش متعرف على ملكة جمال الكون ونحنا مو دريانين"
18_ما بفتح الماسنجر إلا إذا أنت كنت موجودة ....اصلاً النت بدونك ما بيسوى شي
"بيقصد ...ما بيفتح عنك البلوك إلا بعد ربع ساعة من لما تفوتي "